ماذا يخبئ لك الفلك
برج الحمل :تحسن كبير بعد فترة متعبة ،وهناك مكاسب كبيرة وعلى مستوى المادي سوف تلاحظ التحسن الكبير ،الناس حواليك بيحبوك وعم تلاقي حب من الجميع وعم تقدر تتفاهم مع المقربين والبعيدين ،وضعك العاطفي مستقر حالياً وعم تشهد فترة رومانسية .
برج الثور : عندك تغييرات بحياتك يمكن سفر يمكن مكان يمكن قصص عائلية وبتخص العائلة يمكن تغيير ديكور أو ما شابه ،وعندك انشغالات بتخص قرايبين وعائلةوأمور كثيرة ،عاطفياً عم تتسرع بقراراتك لهيك خليك مسيطر وهادئ .
برج الجوزاء: استغل علاقاتك وتواصلك وفي شي بيخص جار أو قرايب عم يشغلك ،نشاطاتك كثيرة اليوم والتواصل عندك عم يزيد ،عاطفياً اليوم فرح بسبب اتصالات مفرحة واخبار حلوة هاد الشي عم يدعمك .
ما هي الأحجار الكريمة التي تناسب كل امرأة وفقاً لبرجها؟
برج السرطان: يمكن اليوم نومك يزيد وشهيتك للاكل كمان تزيد لهيك استغل يومك بعزيمة ،والمساعدة مفتوحة إلك من الكتار اللي حواليك، عاطفياً وضعك مرتاح ويمكن تكون عزيمتك مع شريك حياتك.
برج الأسد: حاسس أنو وضعك عم يتحسن ويتطور وكتير أضواء عم تتسلط عليك خاصة بالتواصل ويتحصل على فرص جديدة وترقيات ومكافئات ،عاطفياً
يومك مميز ومهم وعم تكون عندك شخصية ملفتة وكاريزما.
برج العذراء: لازم اليوم تهدى ولا تتسرا بأمورك خاصة بالسفر أو بالجامعة عندك تغييرات حلوة عم تساعدك تتجنب مشاكل كتيرة ،عاطفياً كمان القصة بدا صبر ولا تتسرع حتى ما تندم بعدين .
برج الميزان : مصالحات وعزايم كتيرة أصحابك حواليك وعم تلاقي حضور مميز إلك بين الناس والأصدقاء ،اليوم مارح تكون لوحدك ،مالياً في دعم من اللي حواليك وعم تنحل قصص كتيرة ،عاطفياً يومك مميز وتطورات كتيرة بعلاقتك مع الشريك.
برج العقرب : صحيح عم تكتر مسؤولياتك لكن أنت قدها وقدود أنت صاحب الإرادة والعزيمة وقادر تتخلص من كل مشاكلك لهيك حاول طنش اللي عم يزعجك لا تواجه حدا ،عاطفياً قرر صح وخود ابعاد لهالقرار حتى ماتندم بعدين .
برج القوس : تحسن كبير عم تشوفوا بشغلك ويمكن في شغل خارجي رح يجيك ،عندك علاقات كتيرة اليوم ومميزة ،نجمك محبوب اليوم ،عاطفياً وضعك أفضل وعندك حلول لكلشي وعم تتعرف على ناس جداد .
برج الجدي : يوم بيساعدك تتقرب من اللي حواليك وعم تحصل عمبلغ مالي كمان ،ومن اليوم عم تبلش أمورك بالتحسن واخبار حلوة عم توصلك وتفرحك ،عاطفياً اليوم عاطفتك قوية وفي أوقات رومانسية حلوة مع الشريك.
برج الدلو :ماعم تحس إنك مرتاح وفي شي شاغلك وفي ضغط من اللي حواليك والمقربين عم تتدايق بسرعة وتضوج ،حاول هدي وروق أحسن ما تخسر اللي حواليك ،عاطفياً يوم متعب خليك هادي ومسيطر ولا تخرب علاقتك مع الشريك.
برج الحوت : صار وضعك بدو ترتيب ولازم تبلش رياضة وحياة جديدة لتغيير نفسيتك ،انتبه لصحتك كتير منيح ،عندك التزامات شاغلتك ،عاطفياً في تعب والشريك لازم يكون داعم إلك بهالوقت .
لتعرفوا شو مخبالكن الفلك كل يوم كونوا مع فقرة أبراج من فريق عمل مجلة شبابيك يومياً.
مجلة شبابيك -براءه عبدالله .
